Aaläss 2010

Es git bi de JOKER WAGGIS au diväärsi Aaläss usserhalb vo der Fasnacht – die deerf me ganz glaar nit vergässe. Doo findsch Fetteli und Bricht derzue:

Hochzyt vo dr Stephi und em Busi 2010

Am 4. Septämber 2010 isch es sowyt gsi, der Busi isch unter d Huube koo!
D Stephi und er hän sich in der Muttenzer Dorfkirche s Joo-Wort gää. E Dail vo de JOKER WAGGIS het bi iirem aaschliessende Apero no am Buffet mitgholfe. Dernooch hän miir gmainsam mit em Brutpaar e seer scheene Oobe deerfe verbringe.

An dääre Stell nomol alles Gueti fir die frisch Vermäälte …